Domu Santuen eguna izanen da biharkoa. Hilerriak lorez eta jendez beteko dira. Heriotzaz hitz egiteko eguna ere izaten da. Goizargi Elkarteak babes eta laguntza ematen dien dolu prozesuan dauden herritarrei. Maite Moreno elkarte horretako psikologoetako bat da eta esan du heriotzaz gero eta modu naturalagoan mintzatzen garela gizartean. "Emozio asko bizitzen dira doluan gaudenean eta zaila izaten da heriotzaz hitz egitea baina gero eta normalizatuago aritzen gara", adierazi du. Dolu prozesua egin ahal izateko denek dute gaitasuna: "Egokitzapen prozesua da eta denok egin dezakegu. Gizartearen begiradak ez du askotan laguntzen eta zenbaitetan beharrezkoa izaten da profesionalen babesa", jakinarazi du.
Heriotza bizitzaren parte den heinean naturaltasunez jarduten saiatu beharko genuke, hitzak jartzen eta emozioei bide ematen. "Ahal den heinean gaia sahiestea ekidin behar da", gogoratu du. Dolu prozesuan "egin beharrak" daude eta bizitzen ari den pertsonak horrek bideratu behar ditu.
Egin klik argazkian eta entzun Maite Morenori egindako elkarrizketa.