(Argazkia: Dani Blanco, Argia)
Maite Sanchez eta bere seme alabek 80 betizu ama eta haiek urtero ekartzen dituzten txahalak zaintzen dituzte Goizuetako mendietan, modu estensibo eta ekologikoan. Ekomerkatuan bezala beste hainbat azokatan saltzen dituzte haien produktuak, baina beti modu zuzenean, ahalik eta prezio apalenak eskaini ahal izateko kontsumitzaileei, Maite Sanchezek Irrintzi Plaza saioan azaldu digun bezala.
Larunbatean ekomerkatua ohiko produktu ekologikoekin eta ostegun arratsaldean EKOtopaketa eta afaria eginen dira Geltokin Europa Jatetxeko Pilar Idoaterekin. Mitxelin izarra duen sukaldari honek betizu behi ketua, txingarretan egina eta shiitake espagetiarekin gisatua, patata ekologikoa, barazkiak eta udako boilurrarekin prestatuko du, baina errererba ez baduzue egina, ez egin ilusio handirik, dagoeneko txartel guztiak salduta daude eta.
EKOMERKATUKO EKOIZLEAK, EKAINAK 3. 10:00-14:00
Elkea. Lekaleak, garagardoa, sagar-zukua. Bakedano eta Artaxoa.
Axuribeltz. Ardi-gazta. Iturgoien.
Gil Pagola. Olioa. Eulz.
Ekollaondo. Gazta eta arrautzak. Goldaratz.
Lakabeko okindegia. Ogia eta pastak. Lakabe
Pittika. Behi-gazta. Erratzu.
Javier Anocibar. Patatak eta txitxirioa. Munarriz.
Larrezabal Eco. Gazta. Altsasu.
Erlan. Eztia. Izurzu.
Domiña. Hestebeteak. Goizueta.
Azpea upeltegia. Ardoa. Irunberri.
POSTU GONBIDATUA
Herbaria. Basa-loreen koadro botanikoak. Artzibar.
