Eskualdeko Hiri Garraioren ia linea guztiak normaltasunez ari dira goizetik lanean. Baina atzerapena pilatu dute, elurraren eta trafikoaren ondorioz. Ollokiko L23a sarrerako biribilguneetaraino besterik ez da iristen.
10:00AM Eskualde Hiri Garrioaren linea guztiak ohiko maiztasuna berreskuratzen ari dira.
— MCP_info (@MCP_info) January 19, 2023
Oraindik geratzen diren arazoak:
L23 - Olloki. Sarrerako biribilguneraino besterik ez da iristen.
+ INFO: https://t.co/vQkKFR8Ztz#nievepamplona23
Iruñeko Udaltzaingoak jakinarazi du, halaber, hiriko bide guztiak irekita daudela. Hala ere, aldapetan arreta handia jartzeko eskatu dute: "Astiro eta balaztarik eta azelerorik gabe ibili". Gaur ere araututako parkinak bertan behera utzi ditu Iruñeko Udalak. Edozein dela marren kolorea ez da ordaindu beharrik. Oinezkoei ere kontuzibiltzeko eskatu diete.
Iruñerriko ingurabide eta errepideetan ere sortu du eragozpenik elurrak. Olatz Nagusian, Etxabakoitz eta Campanas arteko errepidea ere moztu dute, kamioi bat irauli delako. Ollokitik iparraldera, N-135 errepidean, berriz, derrigorrezkoak dira kateak.
Villavesen edo trafikoaren informazioa gurekin partekatu nahi izanez gero, bidali mezua gure Whatsapp zenbakira: