Ekainaren 16ra arte aurkez daiteke eskabidea Zubiarte Euskaltegian (Uharten) eginen diren ikastaroetarako. "Euskara helburu" lelopean antolatu dute kanpaina, orain hori behar dela izan xede nagusia, haien aburuz.
Ikastetxeak maila guztietako ikastaroak eskaintzen ditu aurten ere. A1, A2, B1, B2 eta C1, eta EGA titulua prestatzeko eta C1 azterketa egiteko talde espezifikoak ditu, baita B2 mailako mintza-taldeak ere. Talde horiek goizez, arratsaldez eta gauez eskaintzen dira, aurrez aurre, online nahiz autoikaskuntzan.
Unibertsitateaz kanpoko irakasleek beren eskola-orduetatik kanpo eta doan egin ahal izango dituzte ikastaro horiek, Nafarroako Hezkuntza Departamentuko Irakasleak Prestatzeko Planean sartuta daudelako. Euskaltegiaren webgunean kontsulta daiteke eskaintza osoa.