Bizipoza Elkarteko koordinatzailea Leire Elizegi, Nagore Arrtexea Bortzirietako Guztiok Elkarteko kidea eta Sustrai Colina bertsolari eta idazlea izan dugu gau Irrintzi Plaza saioan ekimen honetaz soalsean.
Behar bereziak dituzten haur eta familiek osatzen dute Bizipoza Elkartea. Eta hau, aldi berean, elkarteen elkartea da. Gaur egun hor biltzen dira izaera bereziko gaiak lantzen dituzten Euskal Herri osoko 36 elkargune. Gaixotasunak dituzten haurrentzako laguntza bide eta terapiak ahalbidetzen dituztenak taldeak dira batzuk eta bete beharreko eskubideak defendatzen dituztenak dira besteak. Denak amankomuneko helburu batekin, Bizipozako koordinatzailea Leire Elizegik Irrintzi Plazan azaldu digun bezala.
Familia hauek dituzten kezkak kantuetan eman dituzte oraingoan, eta bideoklipetan ere jaso dituzte. Mundu berri bat guztiontzat 2 izena eman diote ekimen honi eta CD eta DVD formatuetan kaleratzen ari dira urtarrilaren amaieraz geroztik. Bina kantu aste bakoitzeko.
Berriki Bortzirietako Guztiok elkartearen inguruko kanta plazaratu dute. Sustrai Colinak idatzi du hitza eta Estitxu Pinatxo eta Pettik ahotsa eman diote.
Bortzirietako Guztiok elkarteko kidea da Nagore Arretxea eta berak azaldu digu zer laguntza mota eskaintzen dion elkarte honek familiei.
12 kantu eta bideoklip plazaratuko dituzte aurten. Denak Xabier Zabalak konposatu ditu, hamabi idazle eta bertsolarik sortu dituzte letraketa Hamar kantari eta zortzi musikarik parte hartu dute grabazioetan. Haien artean Motxila 21 edota Demode Quartet taldea. Ekimen honen helburua: pertsona hauen eguneroko errealitatea jendarte osoari ezagutzera ematea.
