Angulemako Margarita, Frantziako Margarita, Nafarroako Margarita, Margarita de Valois, Margarita d’Alençon edo Margarita d’Orléans. Horiek ziren 1492an jaiotako gizalaba honen izengoitiak.
Alençongo dukea izan zen eta 1527an Nafarroako erregin ezkontide bihurtu zen. Eragin handiko emakumea izan zen. Kultura arloan, gainera,oso aritua izan zen,i dazlea eta Erreforma protestantearen bultzatzailea izan baitzen.
Margarita Nafarroakoak 1559an idatzi zuen Heptamerona. Frantsesez idatzi zuen, eta gaur arte ez da bere osotasunean euskarara itzuli. Guztira 72 ipuin edo istoriok osatzen dute liburua, eta zortzi liburuki edo ‘egunetan’ antolatuta daude. Hainbat ipuinen ikuspuntu aurrerakoiak ere –besteak beste, genero-ikuspegitik– gaur egungo irakurleentzako erakargarri bihurtzen du Nafarroako erreginaren liburua. Datozen urteotan Booktegik –Nafar Ateneoarekin elkarlanean– ipuin guztiak eskainiko ditu euskaraz, liburu klasikoa horrela berreskuratuz, eta gurera ekarriz.
Heptameronaren lehenengo eguna –hamar ipuin guztira– argitaratu dute jada eta larunbatean eginen da horren irakurketa publikoa Kondestablearen aretoan goizeko 9:30etatik aurrera.
