Iritsi da uda Euskalerria Irratiko programaziora. Irrintzi Plaza eta Metropoli Folara saioek egin dituzte 2020-2021eko azken saioak, eta Guardasola irratsaioak hartuko du ekainaren 21tik aurrera magazinen lekukoa. 9:00etatik 11:00tara aireratuko da, urtero bezala. Gainera, tokiko berriak egunero eskainiko ditu irratiak, 8:30ean eta 13:30ean.
2021ko udak, dena den, izanen du berrikuntzarik. Iaz bezala Sanferminik ez dagoenez, irratiak ez du programa berezirik egingo. Guardasolatik etorkizuneko sanferminei begira jarriko dituzte entzuleak.