Azken egunotan errepikatzen ari den egoera da. Bidaiariak villavesa edo taxira igotzen dira eta maskara kentzen dute. Gidariak, musukoa jantzi behar dutela gogoratzen dienean, haserretu eta irainka hasten dira batzuetan, eraso ere egin diete beste zenbaitetan. "Enpresak dio bidaiarekin jarraitu behar dugula, bainan horrek ez du ez hanka ez bururik" salatzen du TCCko enpresa batzordeak, "Kutsaketak ekidin nahi baditugu, neurri zorrotzak hartu baditugu, ezin dugu normal jarraitu musukorik gabeko bidaiariekin, villavesan dauden beste pertsonak arriskuan jartzen dituztelako".
Behin egoera larriagotzen denean, gidarien babes falta ere salatu dute elkarretaratzean. "Udaltzainak etortzen dira, musukoa jartzen dute eta bakarrik uzten gaituzte bidaiari hauekin" adierazi dute. Iruñerriko Mankomunitate eta Iruñeko Udalari esku har dezala eskatu diote, erasoak egonez gero, bide judizialean parte hartzen.