Martxelo Diazen albiste onarekin hasi gara. Eguero literatur gomendio bat edukiko dugu plazan Karrikiriri esker, gaur Ines Castiellak ‘Trikua esnatu da’ liburua gomendatu digu. Zinetika jaialdiaz aritu gara Laida Aldaz dantzari eta zuzendariarekin. Itxita izan arren, muga zeharkatu dugu Ipar Euskal Herriko egoera ezagutzeko. Goizeder Tabernak kontatu digu azken ordukoa.
Asteartero bezala Mikel Navarrok kirol txikiak izan ditu hizpide. Berrogeialdia nola daraman azaldu digu Irati Zurbano kirolariak. Egoera berri honek eragin duen beldurra eta psikosiaren inguruan mintzatu gara Ion Zapatarekin. Irrati katea abiatu dugu gaur. Sanduzelain bota dugu lehen pilota, Mirenekin hitz egin dugu itxialdia nola bizi duen ezagutzeko. Iturramara bota du berak pilota. Bihar beraz, Iturraman nola bizi duten ezagutuko dugu. Booktegi plataformako Aritz Branton izan dugu azken gonbidatua.