Azterketa teknikoa egiteko zailtasunei aurre egiteko, Nafarroako Gobernuak baimena eman zuen iazko maiatzean beste bi gune berri zabaltzeko. Uharten eta Cordovillan ezarri dituzte eta astelehenetik aurrera hasiko dira autoak aztertzen.
Guztira 27 langile berriri emanen zaie lanpostua. Gune bakoitzean hiru ikuskapen-linea oso daude, ibilgailu arinentzat (M1, N1 eta L kategoriak). Bi linea erabilgarri daude, eta hirugarrena prestatuta dago. Beharren arabera erabiliko dute hirugarrena.
Revisiones Navarra izeneko enpresak kudeatuko du Cordovillako zentroa eta Tuv Rheiland enpresak irekiko du Uhartekoa. Azken enpresa horrek gainera baimena jaso du Donezteben duen IAT zentroa handitzeko eta hirugarren ilara bat eskaintzeko.