Irrintzi dorretik eta Katakraketik aritu gara gaur. Pirritx, Porrotx eta Marimotsekin izan gara prentsaurrekoaren aurretik. Iñigo Santxo haien abokatuarekin solastu gara Iruñeko Udalarekin sinatu duten kontratuaz. Babesa erakustera hainbat eragile hurbildu dira prentsaurrekora, Imanol Azkona Peñen Federazioko presidentearekin eta Naizen elkarteko Edurne Kochekin mintzatu gara.
Irrintzi dorrean, pailazoek prentsaurrekoa eskaintzen zuten bitartean, Andrea Purroy izan dugu solaskide. Euskal Eskola Makrobiotikoko lagunak jakien kolore eta zaporeek transmititzen dituzten emozioak azaldu dizkigu. Aritz Otazu izan dugu azken gonbidatua. Editargi elkarteak argitalpen azoka antolatu du asteazkenetik igandera bitartean. Xehetasunak eman dizkigu. Irrintzilaria: Maialen Sobrino.
