Haurrendako zinema: "Non dago Eguzkilorea?"

Haurrei zuzendutako planetarioko pelikula euskaraz. Mari aitzinako euskaldunen Dama da, guztiaren ama. Denbora eta eguraldiaren jabe da eta iparraldeko haranetan bizi diren lagunak bisitatzea maite du. Gaur Baztanerat abiatu da, baina ez du bere eguzkilorearen arrastorik aurkitu. Non egonen da? Joan gaitezen bere bila Marirekin, bitartean istorio aunitz ezagutu eta lagun berriak eginen ditugularik. Iraupena: 30 min. Sarrerak planetarioko leihatilan.