Txirrindulari adingabe bat zaurituta, Arrotxapean auto batek harrapatuta

Asteburuan salaketak jarri dizkiete 26 gidariri, alkohol probetan positibo emateagatik.

17 urteko txirrindulari bat arin zauritu da asteburuan Iruñeko Arga Ibaia kalean, zebra-bide batean auto batek harrapatuta, Udaltzaingoak jakitera eman duenez. Asteburu osoan, Udaltzaingoak hogei trafiko istripu artatu ditu. 60 urteko gidari bati eginbide judizialak ireki dizkiote, alkoholaren eraginpean gidatzeagatik, kalean aparkatuta zegoen ibilgailu baten aurka talka egin ondoren.

Horrez gain, 26 gidariri salaketak jarri dizkiete asteburuan egindako kontroletako alkohol probetan positibo emateagatik, eta beste bost deitu dituzte datozen egunetan epaitegian ager daitezen.