Iruñerriko garraio publikoaren berrikuntza teknologikoaren ondorioz, bihartik aurrera eten egingo da geltoki bakoitzean itxaron beharreko denboraren informazio zerbitzua. Autobusetako ordainketa sistema aldatuko dute aste honetan eta horrek eragina izanen du maiztasun eta denboren gaineko informazioan. Geltokietako panelez, “Tu Villavesa” appa-a eta infoTUC web gunean ere ez da itxarote denborarik azalduko.
Iruñerriko Mankomunitateko arduradunek adierazi dutenaren arabera, hemendik aurrera, denbora orientagarriak emanen dituzte panel, app eta webgunean, ez itxarote denbora zehatza. 2020an, aste honetan etengo den zerbitzua berreskuratzea espero dute.
Iruñerriko garraio publikoa modernizatze prozesuan murgilduta dago eta gutxinaka ari dira berrikuntzak ezartzen autobusetan. Mankomunitateak iragarri duenez, datozen hilabeteotan, villavesetan bankuko txartela edo ta mugikor bidez ordaindu ahal izateko sistema ezartzea espero dute.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!
