Joan den maiatzaren 23an Euskararen Nafar Kontseiluak argi berdea eman zion toponimia erabiltzeko oinarrizko jarraibide teknikoen bilduma berriari. Toponimiaren estilo liburua, esan genezake. Mikel Belasko izan da lan honen egileetako bat eta bere ustez lan hau praktikoa eta erabilgarria izanik ere, ez du berrikuntzarik ekartzen. Belaskoren arabera legealdi honetan bazen aukera aurrerapauso batzuk emateko, baina ez dira aprobetxatu. Horrela, adibidez, Nafarroa izenak ofizialdu gabe jarraitzen du eta Iruña eta Iruñea izenen dikotomiari ez zaio soluziobiderik eman.
