Zaporeak ekimenak Koxk! egitera gonbidatu ditu herritarrak. 11:00etan hasiko da pintxo-pote erraldoia, San Frantzisko plazan. Lesbos irlan ari da otorduak banatzen egun Zaporeak ekimena. 1.700 afari banatzen ditu egunero. 10.000 lagun bizi dira egun, 2.000 pertsonentzako Moria gunean.
Bitan izan da Sagrario Lasarte Chios irlan: "Aurretik pentsatzen dugu zein egoeran egon daitezkeen, baina hara joan eta okerragoa da". Errefuxiatuen egoera "tamalgarria" dela salatu du, eta Zaporeak-ek jartzen duen sukaldea beharrezkoa dutela.
Egoera latzean jarraitzen dute euren herrialdeak utzi eta bizitzeko aukera hobearen bila dabiltzan herritarrak. Errefuxiatuentzako erabiltzen dituzten espazioetan ez dago bizitza duinik egiteko aukerarik eta Zaporeak ekimenak, otorduak behintzat duinak izan daitezen egiten du lan. Gizartearen beharra azpimarratu dute baliabideak behar direlako elikagaiak iritsi daitezen.
