Kontsumitzaileek internet bidez erosi ahal izanen dituzte elikagaiak eta astean behin, asteazkenetan, arratsaldean haiek jasotzeko aukera izanen dute Antsoaingo Larraisko jatetxean (Berriobeiti kalea 4).
Hemen bertan eginen da aurkezpena asteazken honetan, 18.00etan. Gertuko ekoizleak eta Iruñerriko kontsumitzaileak lotzeko asmoa duen ekimen berria da. Proiektu berria harremanetan dago La Colmena Que Dice Sí! izeneko ekimenarekin. Hau 2014ko ekainean jaio zen Espainian helburu bikoitzarekin: nekazaritzari eta tokiko elaborazioari laguntzea eta, aldi berean, bitartekorik gabeko kalitatezko elikagaiak eskaintzea.
Nafarroan zabalduko den lehenengo erlauntza edo komunitatea izanen da, eta bertan eginen da CataColmena, bertako ekoizleen produkturik gozoak dastatzeko aukera emanez.
Honetaz mintzatu zaigu digu Euskalerria irratian ekimen honetako sustatzaileetako bat Lander Fernandez de Arroyabe.
