Gaurko albiste ona Martxelo Diaz kazetariak eman digu, Mikel Nabarrorekin "kirol txiki esfortzu handi" tartea egin dugu eta Megacalzado ardoi emakumezkoen saskibaloi taldeko Garazi Misiego elkarrizketatu dugu. Reyes Ilintxeta Antsoaingo Txinparta elkartera joan da Iñaki Alforja eta Koldo Plarekin solasteko, gaur bezalako egun batean 1938. urtean izan baitzen Ezkabako ihesa. Irrintzia Iñaki Irisarrik eskeini digu, Bilboko albisteak Bilbo hiria irratiko Ane Zabalak, eta Irrintzi sound system musikaren tartean Mikel Morras, Burlatako Maiatza Rock jaialdiko antolatzailea etorri da "Hura" musika taldeko Claudia Rodriguez eta Jon Sesmarekin.
