Astakamamila (Santolina chamaecyparissus) Elkartuen taldeko landarea da. Hosto estuak ditu, zati luzexkatan banatuak. Lore antzeko gerba bakunak ditu, horixkak, adarren muturrean. Landare usainduna da eta zapore mingotsa du. Toki lehorretan eta harritsuetan hazten da, Mediterraneoko karezko lurretan bereziki. Heste zizareak hiltzen ditu eta kamamilaren ordezko bezala erabiltzen da gerben infusioa.
Erabilpen ugari ditu: digestioa egiten laguntzen du, lasaigarria da, zauriak eta erredurak garbitzeko oso ona da eta begietarako gaitzetarako ere bikaina. Hori guztia eta gehiago kontatu digu Pello Iturria botikariak Irrintzi Plaza saioan.
Mihilua (Foeniculum vulgare) Apiaceae familiako landare belarkara da. Hego Europar eta Hego Asiar jatorria du. Bi metro garai izatera hel daiteke.