Albiste onarekin hasi dugu gaurko Irrintzi plaza saioa, Eneko Villegasek eman diguna. Gero Kioskoan sartu gara Gaztezulo eta Beitu izeneko hedabide jaio berria irakurtzeko Zuriñe Maguregirekin. Errigorako saskiak banatu ditugu entzuleen artean eta Gorka Pastor musikariarekin solastu gara idatzi duen liburuari buruz. Ekologistak martxan taldearen izenean Asier Azpilikueta etorri zaigu ingurumen museoan egin behar duten ekoeskolaz informazioa emateko. Martin juanenarekin kirolen tartea egin dugu, Jokin Irigoienek irrintzia eskeini digu, lapikoen artean Javi Ribero sukaldariak eman dizkigu errezetak, Ainhoa Vitoriak aste honetako abesti gaztea ekarri digu, hagitz ongi tartea entzun eta Kulturarloan Mikel Bujanda lankideak 948 merkatuaz hitz egin digu.
