Gaurko albiste ona Sarrigurenetik ailegatu zaigu, Ines Castiellak kontatu digu liburutegi berrian irakurle taldeak hasiko direla, horietako bat euskaraz. Pello Iturria botikariak garraixka eta ezkia sendabelarrei buruz aritu zaigu, Andoni Sagastibeltza zuzenean sartu zaigu Txileko Pazko irlatik eta Josetxo Azkona idazleak berak idatzitako hainbat poema irakurri eta komentatu dizkigu. Zineman "Blade Runner 2049" filmea ikusi dugu Gontzal Agoterekin. Irrintzia Unai Arrasate gazteak eskeini digu, Xorroxin irratiko Julen Zelaietak kronika pasa digu eta bukatzeko Irrintzi Sound System saioan Xabier Olazabal musikariak aukeratutako musika entzun dugu.
