Eguneko albiste onarekin hasi gara gaur ere, Eneko Villegasek kontatu diguna. Gero, Barañaingo kultura hezkuntza eta euskara batzorde burua den Ainhoa Oiaga Azkonarekin solastu gara antolatu duten "Udazken Ero" programari buruz. Bertsolaritza kronika Ander Perezek eman digu eta Uharteko arte garaikide museoko Oskia Ugarteren bisita ere izan dugu bertan antolatu dutenaren berri emateko. Kioskoan, Pulunpe aldizkaria irakurri dugu Iosu Martinezekin. Irrati extrem, kirolen tartea, zabaldu dugu Martin Juanenarekin, Irrintzia Jokin Irigoienek eskeini digu, lapikoen artean Edorta salbadorrekin sartu gara piperrei buruz hitz egiteko. Euskadi gazteko Ainhoa Vitoriak abesti gaztea proposatu digu eta Kulturarloan Mikel Bujandak Anjel Rekalderekin izan da ondareari buruzko jardunaldiez hizketan.
