Albiste ona Martxelo Diaz kazetariak eman digu, "Kirol txiki esforzu handi" kirol tartea zabaldu dugu ondoren Mikel Nabarro kazetariarekin. Tertulian gaur Bertsozale elkarteko ordezkari Ander Perez eta bertso eskoletako Xabier Terreros eta Edurne Errea izan ditugu. Indiako herri txiki bat bisitatu dugu Iosu Alfaro bidaizalearekin, irrintzia Josu Jimenez Maiak eskeini digu, Bilboko albisteak Bilbo Hiria irratiko Ane Zabalak, eta bukatzeko, Irrintzi Sound System tartean, Hesian taldeko abeslari eta ETB 1eko langile Zuriñe Hidalgorekin biodiskografia egin dugu, berak aukeratutako 8 abesti entzun ahal izan ditugu.
