Lehenbizi Barañain eta Uharte izan ziren. Orain Noainen ere galdetu eginen diete bizilagunei herriko festetan bigantxak nahi ote dituzten. Otsailaren 18tik 24ra eman ahal izanen dute botoa: posta bidez edo bulegoetan jarriko dituzte bozkalekuetara joanda. Galdeketa horretatik ateratzen den erantzuna aintzat hartuko du Udalak.
Noaingo jaietan bigantxak askatzearen alde zaude? izanen da erantzun beharreko galdera. 16 urtetik gorako bizilagunek eman ahal izanen dute botoa. Erroldatuta egon behar da eta NANa aurkeztu.