Ekialdeko herrialdeetatik ihesean doazen errefuxiatuak laguntzera joan dira Nafarroako hainbat suhiltzaile. Greziako kanpalekuetan lanean aritutako lau lagunekin solasaldia izan dugu gaurko saioan: Xabier Ziriza, Diego Mariezkurrena, Jokin Esparza eta Eduardo Ibero. Musikaren tartean, Serguéi Prokófiev konpositore ukrainarraren bizitza eta lanak ezagutu ditugu Iruñeko Orfeoiko zuzendari Igor Ijurraren eskutik. Igandean, Elizondon ospatuko duten Baztandarren Biltzarra festaz mintzatu gara Elisa Almandoz antolatzailearekin. Literaturaren atalean, Harkaitz Cano idazle donostiarraren "Beti oporretan" liburuaz aritu gara.