Edurne Egino Iruñeko Udaleko zinegotzia elkarrizketatu dute Sanfermintza irratsaioan. Eginok aurtengo prozesioan ere ez parte hartzea erabaki du, legealdi osoan egin duen bezala. "Aurten jarraitu ere ez dut egin aurreko urteetan egin bezala inongo balkoitik". Bertan parte hartzeko beharrezkoa den 3.000 euroko jantzia ez egitea erabaki zuen, eta, horrez gain, "prozesioa ekintza katolikoa" dela eta, ez du parte hartzen. Udalaren aurretik pasatzen den neurrian ulertuko luke "alkatea agurtzera ateratzea, baina ez, alkateak bertan ofizialki parte hartzea".
Eraso matxista salatu du eta dei egin du elkarretaratzean parte hartzera. "Halakoak onartezinak dira", nabarmendu du. Erasotutako emakumeari babesa eta laguntza emateko protokolo guztiak zabalik daudela ere jakinarazi du, eta profesional taldea lanean ari dela ere azpimarratu du.