Hezkuntza Departamentuaren erabakiak tartean diren guraso elkarte guztien onespena du, baita Biurdana institutuko zuzendaritzarena ere. Lau lan saio egin dituzte elkarrekin, institutu berriaren nolakotasunak adosteko. Uneren batean ikastetxe berriak hizkuntza eredu bat baino gehiago uztartzeko aukera mahai gainean jarri bazen ere, azkenean D eredukoa soilik izatea adostu dute.
Ikastetxe berria Sanduzelai auzoan eraikiko dute, 7 poligonoko 1913 orubean eta 5 milioi euroko inbertsioarekin. Orube horrek orotara 8.745 metro koadro ditu. Eraikuntzak 4.300 izanen ditu. Lau lerro hobetu izanen ditu. Orotara, 18 gela.
Hori horrela, 2018-19 ikasturtetik aurrera, Biurdana insitutuak DBHn Arrotxapeko Patxi Larraintzar eta Irurtzungo Atakondoa ikastetxeetako ikasleak hartuko ditu. Eta batxilergoan, baita Sanduzelaiko ikastetxe berrikoak ere.