Zoriontsu. Eskerturik. Txunditurik. Halaxe daude Ene kantak ekimeneko kideak zein Euskalerria Irratikoak. Haurrentzako DVD bat egiteko ideia lantzen hasi zirelarik nekez imajinatuko zuten 4.700 ale saltzea lortuko zutenik; DVDan oinarrituriko ikuskizunarekin Gaiarre antzokia birritan eta Zentral Kafe Antokia beste horrenbestetan beteko zutenik; Proiektua finantzatzeko crowdfundingaren bitartez 689 euskaltzalek 18.467 euro jarriko zituztenik; 22 pertsona ezagunek hasieratik eta eskuzabaltasun osoz esanen ziotenik baietz proiektuan parte hartzeari; 12 ikastetxeko 500 harrek horren ongi dantzatuko zutenik bideoklipetan; Kukusumuxuko ilustrazioak horren ederrak izanen zirenik. Hau da hau auzolan itzela. Ene kantak-en eta Euskalerria Irratiaren partetik, esker mila, bihotz bihotzez!