Parlamentuak atzera bota du bestelako Ikurren Lege bat eskatzen zuen herri ekinaldi legegilea, UPN, PSN eta PPNren kontrako botoekin. Irakaskuntzan aurten 400-500 lanpostu eskain ditzan eskatu dio Parlamentuak gobernuari. ELA sindikatuak erakusketa bat paratu du UPNren gobernuak D ereduko testuliburu eta materialekin duen jarrera "hipokrita eta zentzugabea" salatzeko: Curia kaleko La Luna teterian dago, arratsaldez, igandera arte. Frankismo garaian grebak eta protestak egin zituzten gizon-emakumeen borroka gogoratzeko dokumentala egin dute Geronimo de Uztariz Institutuak, Memoriaren Bidea elkarteak eta Eguzki Bideoakek: "Zerrauts ogia" du izena, eta bihar aurkeztuko dute jendaurrean, Katakraken, 19:00etan.
