Zuria. Zuria zeukan txaketa atzo egunkarian ikusi nion argazkian. Bakeak-edo egin nahi zituelako PSNkoekin.
Urdina. Urdina da gaurko argazkiko jantzia. “Ongi etorri, Mr. Montoro” kartela agertzea bakarrik falta zaio. 1.513 milioi euroko zorra barkatzeak hainbeste eta gehiago merezi zuen. Aizue, CANeko zenbat bilera-express ote da dirutza hori?
Gorria. Gorria izango da akaso Espainiako errege-erreginen aurrean belaunikatu eta Opusen museoa bedeinkatzera joateko gaur jantziko duen trajea.
Daltonismoa. Daltonismo politikoak jotzen nau batzutan. Gaur ere bai. Halakoetan, Lucky Luken komikietako Daltondarrak ikusten ditut agintarien argazki ofizial guztietan.