Batek umea hartu du besotan lehenik.
Besteak lagunari luzatu dio eskua.
Hark ezin eutsi malkoei.
Madrilgo Auzitegi Nazionaletik irteten ikusi ditut 13 lagun azken orduetan; 13en argazkiak iruditu zaizkit hunkigarri.
Ikusi ez ditudan 3 argazkik erasan didate gehien, hala ere.
Beste hiru euskal preso daudelako Espainiako kartzela zuloetan atzotik, Katalunian ezinbesteko ihesaldirako data hitzartu duten egunetik. Eta bai han eta bai hemen gero eta argiago dagoelako xakean ezetz, musean ari garela eta kartak aldatzea ezinbestekoa dugula beren zaborretan itoko ez bagaituzte.