Gaur goizean udazkena etorri zait esnatzera
gaur goizean udazkenak egin du eztanda nigan
lur hezea nabigatzen nire ezpainetan barrena
zuhaitzetako gorriak zabaltzen nire odoletan...
Harri gorri, zainetan barrena jarri dit jauzika bihotza
Herri zuri, mendian jaiotzen jarri dit dardarka ahotsa...
Gaur goizeko udazkenak atera nau ametsetik
erreka, zauri xuria, jauzietako oihartzuna
hosto laranja eroriak, lurreko zimaur goxoa
belar zapaldu umela, zaldi, txori, behien itzala...
Harri gorri, zainetan barrena jarri dit jauzika bihotza
Herri zuri, mendian jaiotzen jarri dit dardarka ahotsa...