Ez da 'CSI Las Vegas'. Abadiño da, eta polizia zientifiko itxurak dauzka argazkiko gizonak.
Ez da ebola. Beste izurrite bat da, eta ertzainak guante urdinak eta traje berezia dauzka jantzita.
Ez da bat. Bi emakume dira, eta gizon berak akabatu ote dituen.
Ez da albiste. Eguneroko bihurtua da aspaldi, oso aspaldi, eta zirkulua hautsi ezinda segitzen dugu.
Ez da gizona. 4 urteko mutil-kozkorra da, eta irratia itzali dut sukaldera gosaltzera etorri denean, ez dudalako nahi emakumeak hiltzen dituzten gizonekin beldurtu dadin.
Ez da nahikoa. Nahikoa da esatea.
Ez da galdera bat. Zer gertatzen zaion hainbeste gizon erasotzaileri; zer, arazoa emakumeona dela pentsatzen duten guztiei.