Elkarretaratze isila egin dute erakundeek eta dozenaka hiritarrek Iruñeko Udaletxe plazan eguerdian indarkeria sexistaren aurka. Parlamentuan agerraldiak eginen dituzte hainbat biktimarekin Izquierda-Ezkerrak eskatuta; Lourdes Zabalza eta ETAren biktima batekin, besteak beste; PP ez beste guztiek onartu dituzte agerraldiak. UPN, PSN eta PPk adierazpen instituzional bat onartu dute Argentinako Rosarion dagoen Gernika plazan dagoen Euskal Herriko armarriaren aurkako adierazpena. ELA sindikatuak "Nafarroako Administrazioaren Kronika Beltza" argitaratu du, UPNren asmo "pribatizatzaileak" salatzeko. Zazpi aldiz elur ikuskizuna eskainiko du bihar arratsean Gaiarre antzokian Tanttaka konpainiak. Iritzien Plazan gaur: Gaizka Aranguren.
