Indarkeria sexista salatzeko eguna gaur, mobilizazioak egiten ari dira Iruñerrian Gaur ere: eguerdian erakunde, alderdi eta sindikatuek deituta; arratsaldeko 8etarako deitua du manifestazioa Indarkeria Sexistaren aurkako Plataformak. Oposizioak atzera bota dizkio hirugarren aldiz gobernuari heldu den urterako aurrekontuak; "oposizio suntsitzailea" kritikatu du Lourdes Goikoetxea kontseilariak. UPN barruko lehian, Yolanda Barcinak esan du ez zekiela Catalanek hautagaitza aurkezteko asmoa zuenik, eta "neutrala" izanen dela berretsi du; Catalanek esan du "Navarrometroaren emaitzak ikusita" erabaki zuela pausoa ematea. Iritzien Plazan gaur: Gaizka Aranguren.
