Zangozako Ikastolako 43 haur etorri dira gaur bisitan irratira. 6 eta 9 urte bitarteko neskatiko-mutikok aukera izan dute gure lana ezagutzeko, gure lantokia ikusteko, hamaika galdera egiteko, terrazan korrika egiteko...eta baita elkarrizketatxo polit batzuk grabatzeko ere. Abesti alaia ekarri digute txikienek eta koxkorrek Zangozako buruhandiei buruz, herriko historiaz eta Nafarroa Oinez festaz hitz egin digute. Bikain pasa dugu haiekin. Mila esker bisitarengatik!
