Herenegun, pelikula bat ikusten ari nintzela, une batean abesti ezaguna eta polita (nire gustukoa bederen) entzuten hasi nintzen. Hara non eta Scorpions taldearen "Wind of change", "Aldaketa haizea".
Jende askok kasualitaterik ez dagoela dio. Ez dakit. Baina lurralde honetan, non oraindik UPN gauza den jende mordo baten sufrimenduaren gainean aberastu zen Félix Huarte Goñi faxistari Nafarroako urrezko medaila emateko, edo non, nor eta oso usteldua eta gutxi garbitua izan zen PSN ustelkeriaren aurkako proiektua aurkezten ausartzen den, bat ere lotsarik gabe, ala non bi alderdi horiek, nafar enpresarien eta CCOO eta UGT sindikatuen artean bere kortijoa eraikitzen jarraitzen baitute diru publikoarekin; bada, lurralde maitagarri/gorrotogarri honetan behar beharrezkoa dugu haize aldaketa hori.
Beraz, politikara eta gizartearengana heltzen den bitartean, haizearen abestia entzuten jarrai dezagun ea aldaketa agudoago datorkigun.