Duela bi hilabete t’erdiko argazkian, jantzi gorri enblematikoarekin jantzirik, hautagaia izango zela iragarri zuen. Duela egun bikoan, aldiz, jantzi urdin pribatuarekin jantzirik, badoala dio.
Zer gertatu da jantzi gorritik jantzi urdinera doan tartean? Dena adar-jotze makiabeliko bat ote da?
Segurua da dagoeneko mota guztietako azalpenak asmatu direla. Suposizioak egitea debalde denez, hona nirea: Barcinak bazekien, argazkirako jantzi gorria ipini zuen egunean bertan, handik gutxira urdina ipini beharko zuela. Hau da, Barcina ez da sekula UPNren egiazko hautagaia izan 2015eko hauteskundeetarako. Bi hilabete t’erdiko komedia hau bere azken zerbitzua izan da: partidoari, oposizioak zer ospatu eduki ez zezan, eta bere buruari, irteera duina edukitzeko.
Hau pentsatuta, behintzat, lasaituko egingo gara Barcina hautagaia ezetz apostua egiteagatik dagoeneko hainbeste afari ordaindu dugunok.