Aste honetan, zabor organikoaren gaikako bilketa egiteko 5. edukiontzia paratu dute Iturrama, Ermitagaña eta Mendebaldea auzoetan. Horri buruz mintzatu gara Garikoitz Perurena, Iruñerriko Mankomunitateko ingurumen hezitzailearekin. Bestetik, Sakanan burutzen ari diren atez ateko sistemaz aritu zaigu Aitziber Zufiaurre biologo urdiaindarra.
Iruñerriko hautetsien solasaldian, gaur, Atarrabiako alkate Kirio Gastearena, Berriozarko alkateorde Raul Maiza eta Berriobeitiko zinegotzi Koldo Abrego izan dira gurean. Euskara batuak mende erdia bete du. Euskalkiez eta euskara batuaz hitz egin dugu Miel Anjel Elustondo kazetari eta idazlearekin eta Koldo Zuazo irakaslearen adierazpenak ere jaso ditugu.