Politikarien Biltzar Ttipian izan dira gaur Bilduko Bakartxo Ruiz, Aralarko Patxi Zabaleta, Geroa Baiko Manu Aierdi eta Ezkerrako Ioseba Ezeolaza. UEMAk osasun-etxe eta liburutegietan euskarazko zerbitzua bermatzeko neurriak eskatu ditu, Nafarroako Parlamentuan. Bertara joan aurretik, Etxarri Aranazko hautetsi Eneka Maiza eta Berako zinegotzi Jon Abril gurean izan dira. Kataluniako etorkizun politikoaz mintzatu gara Martin Haranburu soziologoarekin eta Xabier Letona kazetariarekin. Txema Ramirez de la Piscina irakasleak, Ana Mato, Espainiako ministroaren azken egunotako hitzak aztertu ditu. Gorka Bereziartuarekin hipsterrei buruz hitz egin dugu.
