Gaurko argazkia mikroskopio elektroniko batez aterata dago, eta egunkari guztietan dator. Hamalau mila nanometroko luzera daukan hari bat da, eta 7 proteina kodifikatzen dituen ARNko kate bakarra dauka. Gogotik bota behar dugun izerdiaren bidez transmititzen da gorputzetik gorputzera, besteak beste. Txikia bada ere protagonismo handia hartu du egunotan, batez ere izen profetikoa daukan osasun ministro batek erakutsi digulako zer nolako txandrioak gertatzen diren gizartea zuzentzeaz arduratzen omen direnak ezer zuzentzeaz arduratu ez, eta geratzen zaizkigun sos apurrak gure patrikatik eramatea beste ardurarik ez daukatenean.
