Lagun bik eusten diote ortzadarraren koloreak dauzkan banderari, Kataluniako Parlamentuan. Ez daude bakarrik, haien inguruan adiskide-koadrila bat dago. Poza nabaritzen da denen aurpegian. Irabazi izanaren poza.
Oso aktibo dago aspaldion Kataluniako Parlamentua. Eta atzo homofobiaren aurkako araudia onartu zuen. Lesbiana, gay, bisexual eta transexualen aurkako jarrerak zigortzeko araudia onartu dute Katalunian.
Ia laurehun salaketa jaso zituen Homofobiaren Aurkako Kataluniako Behatokiak iaz. Egunean, salaketa bat.
Gaurtik aurrera, zigorgarriak izango dira Katalunian lesbiana, gay, bisexual eta transexualen aurkako laidoak, laneko diskriminazioak eta erasoak.
Estilo honetako lehen legea da munduan. Distiratsuagoa da gaur ortzi-muga Katalunian.