EILAS sindikatuko Kepa Yecorarekin eta Sortzen Elkarteko Gari Torregrosarekin, Jose Iribas, hezkuntza kontseilariaren adierazpenez mintzatu gara. Hauteskundeei begira, Nafarroako alderdi politikoak aurkeztu eta aurkeztuko dituzten hautagaiez hitz egin dugu. Horrekin batera, Kataluniako egoeraz aritu gara Martin Haranbururekin, Bartzelonan bizi den soziologo euskaldunarekin. Iruñeko Irrintzi Dorrean, bapatean, lur hartu du Amatrix estralurtarrak. Hong Kongetik zuzenean aritu zaigu Hodei Arrausi kazetaria. Musikaren tartean, Ion Celestinok ekarritako perlak entzun ditugu. Irribarre mehar batekin amaitu dugu saioa, Patxi Huarte, Zaldi Eroa marrazkilariaren eskutik.
