Nafarroako parlamentarien Biltzar Ttipian Bilduko Bakartxo Ruiz, Geroa Baiko Manu Aierdi eta Aralarko Xabi Lasa izan ditugu. IKAko euskaltegien matrikulazio kanpainaren berri eman digu Sagrario Aleman irakasleak. Misericordia Etxearen ondoan egin nahi duten azalera handiko saltokiaz mintzatu zaizkigu Bixente Taberna eta Uxua Domblas arkitektoak. Ecuador Bidaiak agentziaren ateak zabalduko dizkigu Gorka Bereziartua kazetariak. Gaurko bidaia Kataluniara egin dugu. Udazken honetarako saskia bete digute Aitziber Zufiaurre biologoak eta David Garnatxo, Landare Elkarteko arduradunak. Iritziaren tartean hiru idazle gurean: Jon Alonso, Aingeru Epaltza eta Angel Erro.
