Kataluniako Generalitateak ez du intsumisiorik deklaratu Konstituzio Auzitegiaren errekerimenduaren aitzinean. Baina Kataluniako Generalitateak ez du adierazi Konstituzio Auzitegiaren errekerimenduari men eginen dionik. Ba ote da erdibiderik agindu bati obeditzearen eta ez obeditzearen artean? Espainiako Gobernuarena, Konstituzionalarena… etortzen ari den guztia aurreikusteko modukoa zuen Gobernu Katalanak. Honezkero, pentsaezina da atzera egitea, irrigarri gelditu gabe. Ibarretxek 2005ean ez bezala, Artur Masek, 2014an, B plana baduela iradoki zuen lehengo igandean. Zein izan ote daitekeen ikusteko irrikan gaude hemen. Zerbait ikasteko, bederen.
