Salestarren operazioan diru publikorik ez dela galduko ziurtatzeko eskatu dio oposizioak gobernuari. Luis Zarraluki kontseilariak esan du administrazioari ez diola galerarik eraginen proiektuak, baina ez du datu bakar bat ere eman berme gisa. Parlamentuko Osasun batzordean landa guneetako hautetsi eta profesionalek salatu dute larrialdi zerbitzuan eginiko berrantolaketaren ondorioz okertu egin direla arreta eta langileen baldintzak. LOMCEren aurkako manifestazioak antolatu ditu urriaren 11n Euskal Herrian Gure Hezkuntza eraiki plataformak. LOMCEren aurka bizikleta martxa egin zuten 40 adingabek 700 euroko isunak jaso dituzte Iruñeko Udaletik. Gizarte Erakundeen Koordinakundeak salatu du "antzua eta bidegabea" dela Foru Gobernuak planteatu duen erreforma fiskala. Uxue Barkos izanen da Geroa bairen hautagaia foru hauteskundeetan.
