Nahikoa nahasi naute neure nekeek... Nerabea nintzateke, norekin, nolanahi, nora noa? Non nago? Nor naiz? Normek neurtuko naute? Nork neurtuko nau (b)estela? Nekatzen naute nolanahiko neurona noble neurketek, neurosiak narama norabide nahasian, narrasean. Norbera, norbait, nortasun, norma, neurtu.
Noraeza.
Nire neuralgian nagusi naiz, norberaren neska, neskato, neskame nauen neurtitz, neutraltasun, neurrien nolakotasuna. Nahaspila nahikoa nahigabetsuan, neure niaren narratzaile nasaia naiz, nire nazio, nasa, Namibia, Nepal, Napoli, Niza, Nafarroa.
Nukleotidoen nudismo nozioak, neologismoek, neolitoak nostalgiko naukate. Normez nazkatuta nago.
Norberaren norabidea nagusi, non, nola neur nezake neure nortasuna? Nor naiz ni?
Hezurretaraino hel hadi, hedatu hesteetan, hesietako hegiez haratago. Halabeharrez hartu heldulekua, hamazazpi hortz, hankapean, haragian, hanpatuta. Hilko hau, hantxe, hire (h)ar het(ero)ak.
Haragitzearen harmonizazioa harkaitz higatuetan. Harrobi herdoildua haiz, hautsontzi herrena, hegazti hegemonikoa. Herritar herrena.
Hezitzaile higuingarria, hipnotismo hertsia, hitzontzi horditua. Hor hago, hondakin horixka, hostogalkor, herabe. Hurrena, hire hileta hiperbolikoa.
Heteroarau.