Nafarroako Gobernuak minijobs direlakoen bidez enpleguaren prekarizazioa ezarri nahi omen du. Hala adierazi digu ELAko kide Ivan Gimenez sindikalistak saioaren hasieran. Hauteskunde europarrei begira egiten ari garen elkarrizketa sortaren barruan EAJ alderdiko hautagai Izaskun Bilbao izan da gurekin. Kurt Cobain abeslaria hil zela hogei urte betetzen diren honetan, Nirvana taldearen abestirik hoberenak aditu ditugu Pello Reparaz, Vendetta taldeko musikariaren laguntzaz. Irrintzi Aterpean, Felipe Uriarte mendizalearen eskutik, Jakin aldizkariko zuzendari ohi Joan Mari Torrealdai elkarrizketatuko dugu.
