Diru publikoaren galeraren hiru adibide albiste Iruñerrian Gaur: Iberdrolaren akzioen erosketa: zorrak behartuta, akzioen zati bat saldu behar izan du gobernuak 43 milioi euroan, akzioko 5,01 euro. Sodena sozietate publikoak antzinako ibilgailuen bilduma bat erosi izana gogor kritikatu du oposizioak gaur Parlamentuan: 150.000 euro galdu dira. Baso ustiapenean eginiko inbertsio kaskarraren inguruko azalpenak eman beharko ditu arratsaldean Legebiltzarrean Jose Javier Esparza kontseilariak. Gazteen artean enplegua sustatzeko plan bat aurkeztu du gaur gobernuak. Hezkuntza Departamentuari hainbat familiak aurkeztu dioten kexua, frantsesezko truke programa batetik kanpo utzi dituztelako 10 ikasle, "D eredukoak izateagatik". UEUk Saretu leloarekin eginen ditu 42.garren Udako Ikastaroak: Iruñean, 8 ikastaro, uztailaren 21etik 23ra.
