Zizur Nagusiko institutuko ikasleek poesiaz eta musikaz beteko dute Zizurko Kultur Etxeko eszenatokia hurrengo ostiral arratsaldean. Ikasgelan landutako komunikaziorako tresnak erabiliko dituzte ikuskizun multimedia osatzeko. Haiek idatzitako testu eta abestiak, musika, bideo muntaiak... hori dena bizitzaren argi-itzalez mintzatzeko. Arratsalde.on saioan bi irakasle, Irati Goiokoetxea eta Txaro Etxetxipia eta hiru ikasle, Ana Gurpegi, Mikel Biurrun eta Unai Ruiz, izan dira egitasmo honetaz mintzatzeko eta haien sormen lanak guri aditzera emateko.
